“Sabah” basketbol komandasının FIBA Avropa Kubokunun qrup mərhələsindəki ilk rəqibi müəyyənləşib.

Pressing.az xəbər verir ki, komanda Çempionlar Liqasının təsnifat mərhələsində məğlub olduğu "Norrçepinq Dolfins"lə (İsveç) qarşılaşacaq.

“Bayquşlar”ın qrupdakı digər iki rəqibi daha sonra məlum olacaq.

Xatırladaq ki, qrup mərhələsinin oyunları oktyabrın 9, 16, 23 və 30-da, eləcə də noyabrın 6 və 13-də keçiriləcək. “Sabah” ilk matçını səfərdə keçirəcək.