17 yaşadək oğlan voleybolçulardan ibarət Azərbaycan millisi Şərqi Avropa Zonal Assosiasiyasının (EEVZA) çempionatında mübarizəni davam etdirir.

Pressing.az xəbər verir ki, yığmamız turnirdə daha iki oyununu keçirib. Voleybolçularımız əvvəlcə Latviya ilə üz-üzə gəlib və rəqibinə 1:3 hesabı ilə uduzub.

Ardınca ev sahibi ölkənin kollektivi ilə qarşılaşan komandamız bu dəfə "quru hesab"la yenilib.

Azərbaycan millisi daha əvvəl Polşa və Estoniyaya 0:3 hesabı ilə məğlub olub.

Millimiz son turda Ukrayna ilə gücünü yoxlayacaq.

“Avro 2023”ə seçmə xarakteri daşıyan yarışın reqlamentinə əsasən, çempion Avropa çempionatının final mərhələsinə vəsiqə əldə edəcək.