Azərbaycanlı karateçi Avropa çempionu olub

Rumıniyada keçirilən fudokan karate üslubu üzrə 28-ci Avropa çempionatında Azərbaycan karateçisi Babək Qələmzadə böyüklər arasında mütləq çəki dərəcəsində Avropa çempionu adını qazanıb.

Pressing.az xəbər verir ki, idmançılar mötəbər yarışda Gənclər və İdman Nazirliyinin dəstəyi ilə iştirak edirlər. Komanda fudokan üzrə nümayəndə Vüsal Abdullazadə və baş məşqçi Bəşir Mahmudovun rəhbərliyi altında çıxış edir.

Böyüklər arasında Avropa çempionatı, eləcə də yeniyetmə və gənclər arasında Avropa kuboku üzrə yarışlara mayın 10-da yekun vurulacaq. Hazırda bir neçə yeniyetmə və gənc karateçi Avropa kuboku uğrunda mübarizəni davam etdirir.