Azərbaycan millisinin üzvü Avropa çempionatında ilk mərhələnin ən yaxşısı seçildi

Azərbaycanın çimərlik futbolu millisinin üzvü Orxan Məmmədov Avropa çempionatının 1-ci seçmə mərhələsinin (EBSL) ən yaxşı futbolçusu seçilib.

Pressing.az xəbər verir ki, bu barədə AFFA-nın mətbuat xidməti məlumat yayıb. Millimizin digər üzvü Ramil Əliyev isə 5 qolla bombardir olub.

Qeyd edək ki, seçmə mərhələdə ikinci pilləni tutan milli Avropa Superfinalına vəsiqə qazanıb. Superfinal sentyabrın 7-14-ü aralığında İtaliyada keçiriləcək. Yarışda ilk iki yeri tutacaq komandalar növbəti mövsüm A Liqasında çıxış edəcək.