Salahdan İPL-də rekord
Araşdırma / Dünya Futbolu
24-12-2023, 14:30
"Liverpul" klubunun hücumçusu Məhəmməd Salah Premyer Liqa rekorduna imza atıb.
Pressing.az xəbər verir ki, o, buna 18-ci turda "Arsenal"la matçda (1:1) fərqlənməklə nail olub. 31 yaşlı forvard 29-cu dəqiqədə hesabı bərabərləşdirib.
Bu, futbolçunun tarixdə London klubunun qapısına vurduğu 10-cu qoldur. Nəticədə Salah Premyer Liqa tarixində "Arsenal", "Mançester Siti" (11 qol) və "Mançester Yunayted" (12 qol) komandalarına qarşı 10 və daha çox qol vuran yeganə oyunçudur.