Hazırda Azərbaycan millisini çalışdıran 66 yaşlı italiyalı Canni de Byazi: Albaniya (Edoardo Reja – 76 yaş), Niderland (Lui van Qal – 71), Kosovo (Alan Qiress - 70), Portuqaliya (Fernando Santos – 67) və Ermənistan (Xoakin Kaparros – 66) milli komandalarının baş məşqçiləri ilə birlikdə Avropa komandalarında çalışan ən yaşlı məşqçilər siyahısındadır.

De Byazinin dövründə bəzi məqamlar diqqət çəkir.

Azərbaycan millisi hesabı açdığı 6 oyundan 4-də üstünlüyünü qoruya bilməyib (2020-də Lüksemburqa 1:2, 2021-də Qətərə 1:2, Türkiyəyə 1:2, İrlandiya ilə 1:1) hesabı bərabərləşdirdiyi 4 oyundan 2-də də heç-heçəni qoruya bilməyib (2021-də Serbiya ilə 1:2 və 1:3)...

Daha bir diqqətçəkən məqam odur ki, Azərbaycan milllisi 2022-ci ildə 5 topun hamısını oyunların ikinci hissəsində öz qapısından buraxıb.
Azərbaycan komandası əvvəlki 9 qarşılaşmadan 8-də məğlubiyyət acısı yaşayıb: "Milli"nin 30 illik tarixi ərzində ən çox uduzduğu komanda məhz Slovakiyadır.

Rasim Mövsümzadə