"Sabah"da serbiyalı hücumçu – RƏSMİ
Transferlər / Azərbaycan Futbolu
5-07-2024, 17:30
"Sabah" klubu heyətini yeni futbolçu ilə gücləndirib.
Pressing.az xəbər verir ki, serbiyalı hücumçu Neqoş Kupusoviçlə 3 illik müqavilə imzalanıb.
"Srvena Zvezda"nın yetirməsi olan 23 yaşlı oyunçu karyerası ərzində Almaniyanın "Ersgebirge" (2019-2020), "Ayntraxt" (Braunşveyq, 2020-2021), Slovakiyanın "Trençin" (2021-2024) və "Dubnitsa" (2021-2022) klublarında çıxış edib.
Futbolçu "Sabah"da 29 nömrəli formada çıxış edəcək.