Futbol üzrə Azərbaycan millisinin baş məşqçisi Canni de Byazi DÇ-2022 haqda danışıb.

Pressing.az xəbər verir ki, italiyalı mütəxəssis “tuttomercatoweb”ə açıqlamasında mundialda sürpriz nəticələrin qeydə alınmasından məmnun olduğunu bildirib:

“Sensasiyalı nəticələri və gözlənilməz heç-heçələri bir kənara qoysaq, dünya çempionatında ən çox güvəndiyim komanda İspaniya yığmasıdır. Luis Enrike həyatın ondan aldıqlarından sonra bu turniri qazana bilsə, çox sevinərəm”.

Canni de Byazi İtaliya milli komandasının turnirdən kənarda qalmasına münasibət bildirib: “İtaliya uğursuzdur. Avropa çempionluğunu qazanmış komandanın ardınca iki dünya çempionatından kənarda qalmasını düşünmək anormallıqdır”.

Qeyd edək ki, E qrupunda 4 xalla ikinci yerdə qərarlaşan İspaniya millisi pley-off mərhələsində Mərakeşlə qarşılaşacaq.