“Araz-Naxçıvan” futzal klubu heyətinə yeni futbolçu qatıb.

Pressing.az Azərbaycan Futzal Federasiyasının saytına istinadən xəbər verir ki, ölkə çempionu braziliyalı Andre Korrea dos Santos Juniorla anlaşıb.

Andrezinyo ləqəbli 26 yaşlı oyunçu mövsümün sonuna qədər “qırmızı-ağlar”ın formasını geyinəcək. Buna qədər vətənində “Sao Lourenço”, “Taubate”, “Yuventude”, “Esporte Futuro” və “Praya” klublarında çıxış etmiş hücumameyilli futzalçı yanvarın 11-də Bakıya gələcək və ertəsi gün yeni komandası ilə məşqlərə başlayacaq.

Qeyd edək ki, bu, "Araz-Naxçıvan"ın 2024-cü ildə ilk transferidir. Ötən ilin dekabr ayında Eriko Dannilo, Xətai Bağırov və İsa Atayev komandanı tərk ediblər.