“Böyük Dəbilqə": Azərbaycan cüdoçularından 2 medal
Cüdo / Digər növlər
23-03-2024, 12:20
Gürcüstanın paytaxtı Tbilisi şəhərində keçirilən cüdo üzrə “Böyük Dəbilqə” turnirinin ilk yarış günü geridə qalıb.
Pressing.az xəbər verir ki, ilk gündə Azərbaycan cüdoçuları iki medal qazanıblar.
-60 kq. çəki dərəcəsində mübarizə aparan cüdoçumuz Balabəy Ağayev bürünc medala sahib olub. Balabəy üçüncü yer uğrunda mübarizədə Gürcüstan təmsilçisi Qiorqi Sardalaşviliyə qalib gəlib.
Ruslan Paşayev də qonşu ölkədən bürünc medala yiyələnib. -66 kq. çəkidə mübarizə aparan cüdoçumuz üçüncü yer uğrunda mübarizədə italiyalı idmançı Matteo Pirası məğlub edib.