"Barselona" hazırdır – AFFA-nın cavabını gözləyir
Bildiyiniz kimi, bu yaxınlarda İspaniyanın adlı-sanlı "Barselona" klubunun prezidenti Xuan Laporta Azərbaycana səfər edib.
Səfər zamanı ölkəmizdə "Barselona"nın akademiyasının açılması qərara alınıb. Bu təşəbbüs Azərbaycanda gənc istedadların inkişafına böyük töhfə verəcək, "Barselona"nın dünya miqyasındakı məşhur futbol fəlsəfəsi və metodikası azərbaycanlı gənclərə aşılanacaq.
Bir sözlə, bu makro layihənin futbolumuzun inkişafı üçün müstəsna rola malik olacağı gözlənilir.
Fəqət layihənin icrasına hələ start verilməyib.
Bugünlərdə AFFA-nın növbəti Hesabat Konfransı keçirilib. Başda federasiyanın prezidenti Rövşən Nəcəf olmaqla qurum rəsmilərinin hesabatı dinlənildikdən sonra media nümayəndələrinin sualları cavablandırılıb. Rövşən bəyin jurnalistin Azərbaycanda "Barselona"nın akademiyasının açılması məsələsində AFFA-nın rolu olub-olmamasıyla bağlı sualına verdiyi cavab isə xüsusi diqqət çəkib.
Belə ki, AFFA prezidenti bu məsələdə "Barselona" tərəfinin cavabını gözlədiklərini bildirib. Halbuki İspaniya təmsilçisinin rəsmiləri Bakıda olub və bir neçə stadionu gözdən keçiriblər. Bu idman qurğularından biri də "ASK Arena" (keçmiş adıyla "Şəfa" – red.) stadionudur.
Yəni, qarşı tərəf qollarını çırmalayaraq gözləyir ki, bu məsələni üzərinə öhdəlik kimi götürən AFFA stadion ayırsın və işə başlasınlar.
Daşqın Əziz
Səfər zamanı ölkəmizdə "Barselona"nın akademiyasının açılması qərara alınıb. Bu təşəbbüs Azərbaycanda gənc istedadların inkişafına böyük töhfə verəcək, "Barselona"nın dünya miqyasındakı məşhur futbol fəlsəfəsi və metodikası azərbaycanlı gənclərə aşılanacaq.
Bir sözlə, bu makro layihənin futbolumuzun inkişafı üçün müstəsna rola malik olacağı gözlənilir.
Fəqət layihənin icrasına hələ start verilməyib.
Bugünlərdə AFFA-nın növbəti Hesabat Konfransı keçirilib. Başda federasiyanın prezidenti Rövşən Nəcəf olmaqla qurum rəsmilərinin hesabatı dinlənildikdən sonra media nümayəndələrinin sualları cavablandırılıb. Rövşən bəyin jurnalistin Azərbaycanda "Barselona"nın akademiyasının açılması məsələsində AFFA-nın rolu olub-olmamasıyla bağlı sualına verdiyi cavab isə xüsusi diqqət çəkib.
Belə ki, AFFA prezidenti bu məsələdə "Barselona" tərəfinin cavabını gözlədiklərini bildirib. Halbuki İspaniya təmsilçisinin rəsmiləri Bakıda olub və bir neçə stadionu gözdən keçiriblər. Bu idman qurğularından biri də "ASK Arena" (keçmiş adıyla "Şəfa" – red.) stadionudur.
Yəni, qarşı tərəf qollarını çırmalayaraq gözləyir ki, bu məsələni üzərinə öhdəlik kimi götürən AFFA stadion ayırsın və işə başlasınlar.
Daşqın Əziz
