"Bakılı balası"nın qayıtmaqlığı
Ötən ilin sentyabrında "Sabah" rəhbərliyinin etirazına baxmayaraq, klubu tərk edib, Səudiyyə Ərəbistanına üz tutan Coy-Lens Mikels yenidən Masazır təmsilçisinə qayıdıb.
Keçən il "Sabah" avrokuboklarda mübarizəni dayandırdıqdan sonra qalmaqallı şəkildə ölkəmizi tərk edən almaniyalı yenidən Bakıdadır. Belə demək olarsa, Mikels "kabab qoxusu"na gəlib. Əslində, bu xəbər qışdan bəri tirajlanırdı. Saytımız da futbolçunun yenidən "bayquşlar"a qayıdacağını yazmışdı. Mikels "Ərəb çölündə" onun üçün üfüqdə Günəş görünmədiyini çox tez sezmişdi.
Xarakter... Ümumiyyətlə, Azərbaycanda çıxış etmiş tək-tük futbolçu adı çəkmək olar ki, komandasına sadiqlik nümayiş etdirmiş olsun. Məsələn, Saşa Stamenkoviçlərin (oxu: "Neftçi"nin sabiq qapıçısı) sayı barmaqla göstəriləcək qədərdir.
Coy-Lens Mikels də "Sabah" azarkeşlərini inandırmışdı. Eyyub Yaqubovun "Bakılı balasıyam" mahnısını sevən, rəqs edən futbolçu təkcə masazırlı fanatların yox, əksər azərbaycanlı futbolsevərin ürəyində taxt qurmuşdu. Ona indidən "Sabah"ın ikonası kimi baxanlar da vardı. Mikels isə "Sabah" avrokuboklarda mübarizəni dayandıran kimi, onu sevənlərə arxa çevirib, Səudiyyə Ərəbistanına üz tutdu. Heç bir il tamam olmadı və o, yenidən "Sabah"dadır.
Masazır klubu onun təqdimatını da elə "Bakılı balasıyam" mahnısı ilə edib. Maraqlıdır, görəsən, o, yenidən tribunalar önündə bu mahnının sədaları altında rəqs edərkən xəyal qırıqlığına uğratdığı fanatlardan əvvəlki istiliyi görəcək və ya o alqışları qoparacaqmı..?
Pressing.az
Keçən il "Sabah" avrokuboklarda mübarizəni dayandırdıqdan sonra qalmaqallı şəkildə ölkəmizi tərk edən almaniyalı yenidən Bakıdadır. Belə demək olarsa, Mikels "kabab qoxusu"na gəlib. Əslində, bu xəbər qışdan bəri tirajlanırdı. Saytımız da futbolçunun yenidən "bayquşlar"a qayıdacağını yazmışdı. Mikels "Ərəb çölündə" onun üçün üfüqdə Günəş görünmədiyini çox tez sezmişdi.
Xarakter... Ümumiyyətlə, Azərbaycanda çıxış etmiş tək-tük futbolçu adı çəkmək olar ki, komandasına sadiqlik nümayiş etdirmiş olsun. Məsələn, Saşa Stamenkoviçlərin (oxu: "Neftçi"nin sabiq qapıçısı) sayı barmaqla göstəriləcək qədərdir.
Coy-Lens Mikels də "Sabah" azarkeşlərini inandırmışdı. Eyyub Yaqubovun "Bakılı balasıyam" mahnısını sevən, rəqs edən futbolçu təkcə masazırlı fanatların yox, əksər azərbaycanlı futbolsevərin ürəyində taxt qurmuşdu. Ona indidən "Sabah"ın ikonası kimi baxanlar da vardı. Mikels isə "Sabah" avrokuboklarda mübarizəni dayandıran kimi, onu sevənlərə arxa çevirib, Səudiyyə Ərəbistanına üz tutdu. Heç bir il tamam olmadı və o, yenidən "Sabah"dadır.
Masazır klubu onun təqdimatını da elə "Bakılı balasıyam" mahnısı ilə edib. Maraqlıdır, görəsən, o, yenidən tribunalar önündə bu mahnının sədaları altında rəqs edərkən xəyal qırıqlığına uğratdığı fanatlardan əvvəlki istiliyi görəcək və ya o alqışları qoparacaqmı..?
Pressing.az
