Futbol üzrə Azərbaycan millsi bu gün UEFA Millətlər Liqasında növbəti matçına çıxacaq.

Pressing.az xəbər verir ki, Canni De Byazinin rəhbərlik etdiyi kollektiv Slovakiya seçməsinin qonağı olacaq.

Trnava şəhərindəki Antona Malatinski stadionunda oynanılacaq qarşılaşma Bakı vaxtı ilə saat 22:45-də başlayacaq. Görüşü Uilyam Kollamın başçılıq etdiyi şotlandiyalı hakimlər briqadası idarə edəcək.

Slovakiya lider Qazaxıstana yaxınlaşmaq üçün qələbə qazanmağı hədəfləyib. 4 xalı olan təmsilçimiz isə qonaq qismində uduzmamaq üçün bacardığını edəcək.

Qrupun digər oyununda Qazaxıstan öz meydanında Belarusla qarşılaşacaq.

UEFA Millətlər Liqası
C Liqası, 3-cü qrup
22 sentyabr

22:45. Slovakiya – Azərbaycan
Hakimlər: Uilyam Kollam, Devid Makgiçi, Frensis Konnor, Doland Robertson (hamısı Şotlandiya).

Xal durumu: Qazaxıstan – 10. Slovakiya – 6. Azərbaycan – 4. Belarus – 2.