Türkiyə klubundan təklif alan Qurban Qurbanovdan QƏRAR

Ötən gün mətbuatda "Qarabağ"ın baş məşqçisi Qurban Qurbanovun Türkiyə klubundan təklif alması haqda xəbərlər yayılıb.

Belə ki, tarixində ilk dəfə Super Liqaya vəsiqə qazanan "Amedspor" klubu mütəxəssisi komandanın "sükanı arxasına" gətirmək niyyətindədir. Bu barədə xəbər Türkiyə mediasında da tirajlanıb. Qurbanov isə artıq məsələylə bağlı qərarını verib.

Pressing.az-a daxil olan informasiyaya görə, o, növbəti dəfə Türkiyə çempionatından təklif almasına baxmayaraq, bu ölkədə işləmək istəmir.

54 yaşlı mütəxəssis bir daha "Qarabağ"ın baş məşqçi postunda qalmağa üstünlük verib.

Qeyd edək ki, Azərbaycan mətbuatında Q.Qurbanovun "Amedspor"dan təklif almasına dair xəbəri eksklüziv olaraq Xitab24.az saytı yayıb.

Pressing.az