"Neftçi" Kamran Quliyevə verilən cəzaya görə rəsmi etiraz edəcək
“Neftçi” klubu Azərbaycan Kubokunun yarımfinal mərhələsinin ilk matçında “Turan Tovuz”la qarşılaşıb. Həmin matçda “ağ-qaralar” minimal hesabla məğlub olub - 0:1.
Fasilə zamanı "ağ-qaralar"ın prezidenti Kamran Quliyev stadionun tunelinə daxil olaraq oyunun rəsmi şəxslərinə qarşı işlətdiyi ifadələrə görə, AFFA İntizam Komitəsi tərəfindən ölkə kubokunda 3-ü şərti olmaqla 5 oyun cəzalanıb, klub 4000 manat cərimə edilib. Sınaq müddəti isə 6 ay təyin edilib.
Pressing.az-ın əldə etdiyi məlumata görə, funksionerin özündən çıxmasına referi Rəşad Əhmədovun ilk yarının sonlarında VAR-a baxdıqdan sonra "Turan Tovuz"un qapısına təyin olunmuş penaltini və Xulu Siyandaya göstərilmiş ikinci sarı vərəqəni ləğv etməsi səbəb olub. Fasiləni gözləyən Quliyev, stadionun tunelində hakimlər briqadasını söyüb, Əhmədovun isə üstünə gedib. Onu çətinliklə sakitləşdiriblər.
"Neftçi"nin Media, Marketinq və İctimaiyyətlə Əlaqələr Departamentinin rəhbəri Rüstəm Allahverdiyev isə saytımıza açıqlamasında İntizam Komitəsinin qərarına görə apellyasiya şikayəti veriləcəyini bildirib:
“Biz cəza gözləmirdik. Orada proseslər oyundan sonra baş verməmişdi. İlk hissənin sonunda tuneldə hakimlərə irad bildirildi ki, rəqib komandanın müdafiəçiləri çox sərt oynayırlar, ancaq buna müdaxilə olunmur. Orada hansısa təhqir, əl hərəkəti, hakimi vurmağa cəhd göstərmək olmayıb. Başverənlər protokola qeyd olunub və bunun əsasında AFFA İntizam Komitəsi qərar verib. Bununla bağlı etirazımız olacaq. Apellyasiyaya müraciət etməyi planlaşdırırıq”.
Elsevər Muradzadə
Fasilə zamanı "ağ-qaralar"ın prezidenti Kamran Quliyev stadionun tunelinə daxil olaraq oyunun rəsmi şəxslərinə qarşı işlətdiyi ifadələrə görə, AFFA İntizam Komitəsi tərəfindən ölkə kubokunda 3-ü şərti olmaqla 5 oyun cəzalanıb, klub 4000 manat cərimə edilib. Sınaq müddəti isə 6 ay təyin edilib.
Pressing.az-ın əldə etdiyi məlumata görə, funksionerin özündən çıxmasına referi Rəşad Əhmədovun ilk yarının sonlarında VAR-a baxdıqdan sonra "Turan Tovuz"un qapısına təyin olunmuş penaltini və Xulu Siyandaya göstərilmiş ikinci sarı vərəqəni ləğv etməsi səbəb olub. Fasiləni gözləyən Quliyev, stadionun tunelində hakimlər briqadasını söyüb, Əhmədovun isə üstünə gedib. Onu çətinliklə sakitləşdiriblər.
"Neftçi"nin Media, Marketinq və İctimaiyyətlə Əlaqələr Departamentinin rəhbəri Rüstəm Allahverdiyev isə saytımıza açıqlamasında İntizam Komitəsinin qərarına görə apellyasiya şikayəti veriləcəyini bildirib:
“Biz cəza gözləmirdik. Orada proseslər oyundan sonra baş verməmişdi. İlk hissənin sonunda tuneldə hakimlərə irad bildirildi ki, rəqib komandanın müdafiəçiləri çox sərt oynayırlar, ancaq buna müdaxilə olunmur. Orada hansısa təhqir, əl hərəkəti, hakimi vurmağa cəhd göstərmək olmayıb. Başverənlər protokola qeyd olunub və bunun əsasında AFFA İntizam Komitəsi qərar verib. Bununla bağlı etirazımız olacaq. Apellyasiyaya müraciət etməyi planlaşdırırıq”.
Elsevər Muradzadə
