Xəbər lenti

Sosial mediada Azərbaycan millisinin sabiq üzvü Mahir Şükürovun kolleksiyasında olan Kristano Ronaldonun formasını satışa çıxardığı barədə məlumatlar yayılıb.

40 yaşlı sabiq futbolçunun portuqaliyalı ulduzun köynəyini satışa çıxarması isə izləyicilərin böyük marağına səbəb olub.

Bunun həqiqətə uyğun olub-olmadığını öyrənməkçün Şükürovla əlaqə saxladıq. O, Pressing.az-a açıqlamasında yayılan xəbəri təkzib etdi:

"Xeyr, belə bir şey yoxdur. Ola bilsin ki, bəzi dostlar bunu zarafat üçün paylaşıblar. Formanı satmıram".

Maraq üçün qeyd edək ki, Mahir Şükürov azərbaycanlı futbolçular arasında zəngin forma kolleksiyasına malik olmasıyla seçilir.

Pressing.az