Qazaxıstan yığmasının baş məşqçisi Maqomed Adiyev komandadan ayrılıb.

Pressing.az xəbər verir ki, bu barədə Qazaxıstan Futbol Federasiyasının mətbuat xidməti məlumat yayıb. Məlumata görə, 46 yaşlı mütəxəssis ailə məsələlərinə görə millinin baş məşqçisi vəzifəsini tərk etmək istədiyini qeyd edib. Bildirilir ki, federasiya gələn həftənin əvvəlindən məşqçi seçimlərinə başlayacaq.

Qeyd edək ki, M.Adiyev 2022-ci ildən Qazaxıstan millisinə rəhbərlik edirdi.

Xatırladaq ki, Azərbaycan millisi iyun ayında Qazaxıstanla yoxlama oyunu keçirəcək. Komandalar iyunun 11-də Macarıstanda üz-üzə gələcəklər.