İtaliya klubunda itki

“Milan” klubunun mərkəz müdafiəçisi Strahinya Pavloviç sıradan çıxıb.

Pressing.az xəbər verir ki, "MilanNews" nəşrinin məlumatına görə, futbolçu “Komo” ilə matçdan sonra topuq nahiyəsində narahatlıq hiss edir. O, rəqiblə toqquşma nəticəsində oyunu davam etdirə bilməyib və fasilədə əvəzlənib.

Futbolçu bir neçə matçı buraxmaq təhlükəsi ilə üzləşib. Bildirilir ki, müdafiəçi tibbi müayinədən keçdikdən sonra zədənin dərəcəsi tam bəlli olacaq.