Xəbər lenti

Qırğızıstan Premyer Liqasında çıxış edən "Toktoqul" klubu heyətini yeni futbolçu ilə gücləndirib.

Pressing.az xəbər verir ki, klub Gürcüstan millisinin təcrübəli müdafiəçisi Solomon Kverkveliyanı heyətinə qatıb. Müdafiəçi ilə 2027-ci ilin sonuna qədər müqavilə imzalanıb.

Qeyd edək ki, Azərbaycan azarkeşlərinə yaxşı tanış olan 33 yaşlı Kverkveliya karyerası ərzində Rusiyanın "Rubin" və "Lokomotiv", Ukraynanın "Metalist" klubları ilə yanaşı, Bakının "Neftçi" klubunun da şərəfini qoruyub. O, "ağ-qaralar"ın heyətində 33 matça çıxıb.