Bu gün UEFA Avropa Liqasında 2024/2025 mövsümünün qalibi bəlli olub.

Pressing.az xəbər verir ki, final görüşündə İngiltərənin “Tottenhem” və “Mançester Yunayted” komandaları üz-üzə gəlib.

Bilbaoda (İspaniya) “San Mames” stadionunda keçirilən görüşdə "Tottenhem" qələbə qazanıb.

Bununla da London təmsilçisi Avropa Liqasın qalibi adına yiyələnib.

Bu, "Tottenhem"in 1984-cü ildən bəri qazandığı ilk avrokubokdur. Həmçinin klub 2008-ci ildən bu günədək heç bir turnirin qalibi olmamışdı.

21 may

UEFA Avropa Liqası
Final

23:00 "Tottenhem" (İngiltərə) – "Mançester Yunayted" (İngiltərə) - 1:0

Qol: Brendan Conson, 42

Baş hakim: Feliks Zoyer (Almaniya)

Bilbao. "San Mames" stadionu