PSJ-nin uğuru "Qarabağ"a sərf etdi – Təmsilçimiz mübarizəyə 2-ci mərhələdən başlayacaq
“Qarabağ” klubu UEFA Çempionlar Liqasının 2025/2026 mövsümünə 2-ci təsnifat mərhələsindən başlayacaq.
Pressing.az xəbər verir ki, bu, PSJ-nin ÇL-in finalına yüksəlməsindən sonra dəqiqləşib.
Məsələ burasındadır ki, qitənin ən nüfuzlu klub turnirinin finalçıları olan "İnter” və PSJ növbəti mövsüm üçün yarışın Liqa mərhələsinə vəsiqəni öz ölkəsinin çempionatından qazanıb. Nəticədə Çempionlar yolunun təsnifat mərhələlərində oynamalı olan ən yüksək reytinqli klub “Olimpiakos” (Yunanıstan) birbaşa liqa mərhələsinə yüksəlib. Bu isə 2-ci təsnifat mərhələsində bir komandanın azalması deməkdir. Belə olduğu halda isə 1-ci təsnifat mərhələsində oynamalı olan iki ən reytinqli komanda mübarizəyə 2-ci mərhələdən başlamaq hüququ qazanır ki, bunlar da “Slovan” (Slovakiya) (33,500) və “Qarabağ”dır (32,000).
Xatırladaq ki, UEFA-nın ötən ildən tətbiq etdiyi yeniliyə əsasən növbəti tura yüksəlməyə ölkənin reytinqi deyil, konkret klubun reytinqi təsir edir. Ötən il də bundan faydalanan “Qarabağ” ÇL-də yarışa 2-ci təsnifat mərhələsindən başlamışdı.
Qeyd edək ki, ÇL-də 2-ci təsnifat mərhələsinin püşkatma mərasimi iyunun 18-də, qarşılaşmalar isə iyulun 22/23 və 29/30-da keçiriləcək.
Pressing.az xəbər verir ki, bu, PSJ-nin ÇL-in finalına yüksəlməsindən sonra dəqiqləşib.
Məsələ burasındadır ki, qitənin ən nüfuzlu klub turnirinin finalçıları olan "İnter” və PSJ növbəti mövsüm üçün yarışın Liqa mərhələsinə vəsiqəni öz ölkəsinin çempionatından qazanıb. Nəticədə Çempionlar yolunun təsnifat mərhələlərində oynamalı olan ən yüksək reytinqli klub “Olimpiakos” (Yunanıstan) birbaşa liqa mərhələsinə yüksəlib. Bu isə 2-ci təsnifat mərhələsində bir komandanın azalması deməkdir. Belə olduğu halda isə 1-ci təsnifat mərhələsində oynamalı olan iki ən reytinqli komanda mübarizəyə 2-ci mərhələdən başlamaq hüququ qazanır ki, bunlar da “Slovan” (Slovakiya) (33,500) və “Qarabağ”dır (32,000).
Xatırladaq ki, UEFA-nın ötən ildən tətbiq etdiyi yeniliyə əsasən növbəti tura yüksəlməyə ölkənin reytinqi deyil, konkret klubun reytinqi təsir edir. Ötən il də bundan faydalanan “Qarabağ” ÇL-də yarışa 2-ci təsnifat mərhələsindən başlamışdı.
Qeyd edək ki, ÇL-də 2-ci təsnifat mərhələsinin püşkatma mərasimi iyunun 18-də, qarşılaşmalar isə iyulun 22/23 və 29/30-da keçiriləcək.
