Milli komandanımızın üzvü qol vuraraq baş məşqçisini məyus etdi

Futbol üzrə Türkiyə Qadınlar Liqasında 12-ci turun oyunları keçirilir.

Pressing.az xəbər verir ki, Azərbaycan milli komandasının üzvü Kristina Bakarandzenin formasını geyindiyi "Qalatasaray" doğma meydanda "Fomget"i qəbul edib. Qarşılaşma "sarı-qırmızılar"ın 2:1 hesablı qələbəsi ilə başa çatıb.

Kristina Bakarandze də bu görüşün iştirakçısı olub. Millimizin üzvü komandasının ilk qolunu vurub.

Xallarını 33-ə yüksəldən "Qalatasaray" turnir cədvəlinin zirvəsində qərarlaşıb.

Qeyd edək ki, "Fomget"i Azərbaycan milli komandasının baş məşqçisi Siyasət Əsgərov çalışdırır.