Məşqçilərdən "Qarabağ" rəhbərliyinə: "Payımızı vermirlər" – ŞİKAYƏT
Azərbaycan futboluna, “Qarabağ”a Toral Bayramov və Nəriman Axundzadə kimi futbolçular bəxş etmiş məşqçilər Röyal və Xəyal Abbasovlar Ağdam klubundan şikayətçidirlər.
Belə ki, qardaşlar xarici klublara transfer olunan bu oyunçulara görə ödənilən puldan pay istəyirlər.
Pressing.az xəbər verir ki, Azfutbol.az saytına danışan məşqçilər transferlərdən onların haqqının verilmədiyini bildiriblər:
“2017-ci ildə “Qarabağ” rəhbərliyi gördüyümüz işi yüksək qiymətləndirərək bizi seleksiyaçı məşqçi kimi fəaliyyətə cəlb etdi. Lakin cəmi 11 ay sonra heç bir əsaslı səbəb göstərilmədən işimizə xitam verildi və bizə heç bir təzminat ödənilmədi. Əməkdaşlığımıza xitam verildikdən təxminən 8 ay sonra yetişdirdiyimiz Toral Bayramov, daha sonra isə Nəriman Axundzadə klubun əsas komandasına yüksəldilər. Hər iki futbolçu komandanın qazandığı uğurlarda pay sahibi olub. Bu il hər iki oyunçu yüksək məbləğli transferlərlə ölkə xaricindəki klublara keçdilər. Buna baxmayaraq, həmin futbolçuların kluba qazandırılmasında və inkişafında göstərdiyimiz əməyə görə bizə hər hansısa bir mükafat və ya təşviqhaqqı yaxud da transferlərdən pay verilməyib”.
Abbasovlar bildirirlər ki, bununla bağlı dəfərlərlə klub rəhbərliyinə müraciət ediblər lakin onları eşidən olmayıb: “Klubun İdarə Heyətinin üzvü Asif Əsgərov və direktor Əmrah Çəlikəllə görüşlər keçirmişik. Ən son isə klubun prezidenti Tahir Gözələ rəsmi şəkildə yazılı müraciət ünvanlamışıq. Artıq üç ay keçməsinə baxmayaraq, bizə heç bir rəsmi cavab verilməyib. Son görüşümüzdə Asif Əsgərovun "sizə xəbər edəcəyik" vədi hələ də icra olunmayıb və məsələ öz həllini tapmayıb”.
Məşqçilər qeyd edirlər ki, məqsədləri kimisə ittiham etmək və ya klubun nüfuzuna xələl gətirmək deyil. İstəkləri uzun illər ərzində çəkdikləri zəhmətin, yetişdirdikləri futbolçuların uğurlarındakı əməyin qiymətləndirilməsi və məsələyə ədalətli şəkildə baxılmasıdır.
Qardaşlar müraciətin araşdırılacağına və məsələyə obyektiv yanaşılacağına ümid edirlər.
Belə ki, qardaşlar xarici klublara transfer olunan bu oyunçulara görə ödənilən puldan pay istəyirlər.
Pressing.az xəbər verir ki, Azfutbol.az saytına danışan məşqçilər transferlərdən onların haqqının verilmədiyini bildiriblər:
“2017-ci ildə “Qarabağ” rəhbərliyi gördüyümüz işi yüksək qiymətləndirərək bizi seleksiyaçı məşqçi kimi fəaliyyətə cəlb etdi. Lakin cəmi 11 ay sonra heç bir əsaslı səbəb göstərilmədən işimizə xitam verildi və bizə heç bir təzminat ödənilmədi. Əməkdaşlığımıza xitam verildikdən təxminən 8 ay sonra yetişdirdiyimiz Toral Bayramov, daha sonra isə Nəriman Axundzadə klubun əsas komandasına yüksəldilər. Hər iki futbolçu komandanın qazandığı uğurlarda pay sahibi olub. Bu il hər iki oyunçu yüksək məbləğli transferlərlə ölkə xaricindəki klublara keçdilər. Buna baxmayaraq, həmin futbolçuların kluba qazandırılmasında və inkişafında göstərdiyimiz əməyə görə bizə hər hansısa bir mükafat və ya təşviqhaqqı yaxud da transferlərdən pay verilməyib”.
Abbasovlar bildirirlər ki, bununla bağlı dəfərlərlə klub rəhbərliyinə müraciət ediblər lakin onları eşidən olmayıb: “Klubun İdarə Heyətinin üzvü Asif Əsgərov və direktor Əmrah Çəlikəllə görüşlər keçirmişik. Ən son isə klubun prezidenti Tahir Gözələ rəsmi şəkildə yazılı müraciət ünvanlamışıq. Artıq üç ay keçməsinə baxmayaraq, bizə heç bir rəsmi cavab verilməyib. Son görüşümüzdə Asif Əsgərovun "sizə xəbər edəcəyik" vədi hələ də icra olunmayıb və məsələ öz həllini tapmayıb”.
Məşqçilər qeyd edirlər ki, məqsədləri kimisə ittiham etmək və ya klubun nüfuzuna xələl gətirmək deyil. İstəkləri uzun illər ərzində çəkdikləri zəhmətin, yetişdirdikləri futbolçuların uğurlarındakı əməyin qiymətləndirilməsi və məsələyə ədalətli şəkildə baxılmasıdır.
Qardaşlar müraciətin araşdırılacağına və məsələyə obyektiv yanaşılacağına ümid edirlər.
