"Futbolçular çox əziyyyət çəkdilər. Hesab fərqli də ola bilərdi. İkinci hissədə qollar buraxmaq təhlükəsi var idi. Anlayırdıq ki, gərgin oyun olacaq. Qəbələdə oynamaq çətindir. Tez qol vurmağın bəzən pis tərəfi olur, rəqibi ayıldırsan. Gözləyirdim ki, bunun fəsadları ola bilər. Bizim üçün çox çətin oldu. Keçən il əziyyətlər çəkmişik. Bu il isə pis başlamamışıq. Biz zaman lazımdır. Oyunçular tam adaptasiya olmayıb".

Pressing.az xəbər verir ki, bu sözləri "Sumqayıt" klubunun baş məşqçisi Samir Abasov Azərbaycan Premyer Liqasının 3-cü turunun "Qəbələ" ilə görüşündən sonra keçirilən mətbuat konfransında deyib. O, komandasının 2:1 hesablı qələbəsini şərh edib.

- "Sabah"la oyunun təxirə salınması planlarınıza necə təsir etdi?

- Ritmdən çıxdıq. Buna görə yoldaşlıq oyunu keçirdik. Bilmirəm xeyrimizə oldu, yoxsa yox. "Sabah"ın avrokubok matçı var idi. Onlara kömək etmək istədik.

- Kamran Əliyev meydandan çıxanda aranızda mübahisə yaşandı. Həmin an nə baş vermişdi?

- Yadımdan çıxıb.

- Müdafiədə boşluqlar verməyiniz nə ilə bağlı idi?

- Əksinə, bu gün müdafiəni ön plana çıxarardım. Bütün yükü arxadakı dörd nəfərin üzərinə atmaq düzgün deyil. Yarımmüdafiədə boşluqlar verirdik. Bu gün ön xətti düzəltməliyik.

- Yeni transfer gözlənilir?

- Üç transfer gözlənilir. Biri müdafiəçi, ikisi vinger olacaq.