"Qəbələ"dən ayrılan futbolçu "Şəfa"da – ÖZƏL

"Qəbələ" klubu bu gün müdafiəçisi Murad Musayevlə yollarını ayırıb.

31 yaşlı futbolçu ilə yeni müqavilə imzalanmayıb. Musayev isə karyerasını yenidən Premyer Liqa klubunda davam etdirəcək.

Pressing.az-a daxil olan informasiyaya görə, o, yenicə elitaya vəsiqə qazanan "Şəfa" ilə anlaşıb.

Bakı təmsilçisi təcrübəli oyunçunun keçidini tezliklə açıqlayacaq.

M.Musayevlə 1 illik müqavilə bağlanılıb.

Daşqın Əziz