"Araz-Naxçıvan"dan "Zaqatala"ya 4 qol

Təlim-məşq toplanışını Bakıda davam etdirən "Araz-Naxçıvan" klubu bu gün yoxlama oyunu keçirib.

Pressing.az xəbər verir ki, Andrey Demçenkonun komandası 1-ci liqa təmsilçisi "Zaqatala" ilə üz-üzə gəlib və 4:0 hesablı qələbə qazanıb.

Bakı Olimpiya Stadionunun ehtiyat meydançasında keçirilən oyunda qolları Boli, Patrik Andrade, Hamidu Keyta və Ülvi İsgəndərov vurublar.

Qeyd edək ki, “Araz-Naxçıvan” ilk sınaq matçında əvəzedici komandasına 7:0 hesabı ilə qalib gəlib, 2-ci görüşdə "Qəbələ"yə uduzub - 0:1.