“Qəbələ” “Araz-Naxçıvan”ı məğlub etdi

Misli Premyer Liqasında çıxış edən “Araz-Naxçıvan” və “Qəbələ” komandaları yoxlama matçında üz-üzə gəliblər.

Pressing.az xəbər verir ki, Bakı Olimpiya Stadionunun ehtiyat meydanında baş tutan matç “Qəbələ”nin 1:0 hesablı qələbəsi ilə bitib.

Qolu 38-ci dəqiqədə Prins Ovusu vurub.

“Araz-Naxçıvan” daha əvvəl klubun əvəzedici komandasına yeddi cavabsız qolla qalib gəlib. “Qəbələ” isə “Kəpəz”i 3:1 hesabı ilə üstələyib.