"Qarabağ" və "Neftçi" futbolçuları meydana şəhid övladları ilə çıxdılar

Azərbaycan Premyer Liqasının 11-ci turunun - "Zəfər turu"nun "Qarabağ" - "Neftçi" matçı keçirilir.

Pressing.az xəbər verir ki, Azərbaycan derbisi maraqlı formada başlayıb. Komandalar meydana Vətən müharibəsində şəhid olan qəhrəmanlarımızın övladları ilə meydana çıxıblar.

Onların əynində Azərbaycan bayrağına bürünmüş geyimlər olub. Bu addım həm Zəfər, həm də 9 Noyabr – Bayraq günü ilə əlaqədar atılıb.

Qeyd edək ki, Azərbaycan derbisi tarixdə 100-cü dəfə baş tutur.