“Arpaçay”ın təşkilatçılığı ilə “Zəfər Kuboku” adlı turnir keçiriləcək

4-6 iyul 2025-ci il tarixlərində Azərbaycan Karate Federasiyası və Bakı Şəhər Gənclər və İdman İdarəsinin birgə əməkdaşlığı, “Arpaçay” İdman Birliyinin tərkibində fəaliyyət göstərən “Arpaçay” Karate Klubunun təşkilatçılığı ilə 44 günlük Vətən Müharibəsində Azərbaycan ordusunun əldə etdiyi tarixi qələbəyə həsr olunmuş “Zəfər Kuboku” adlı karate turniri keçiriləcək.

Pressing.az xəbər verir ki, “Arpaçay” İdman Birliyinin birinci vitse-prezidenti Yavər Hüseynovun mətbuata verdiyi məlumata görə, uşaq, yeniyetmə və gənclərin mübarizə aparacağı “Zəfər Kuboku” yarışında paytaxt Bakı şəhərindən və regionlardan 800-ə yaxın idmançının iştirakı gözlənilir.

Yavər Hüseynov onu da bildirib ki, “Zəfər Kuboku” turnirinin təntənəli açılış mərasimi 5 iyul saat 15:00-da “Sərhədçi” İdman Olimpiya Mərkəzində baş tutacaq.