Latviya - Azərbaycan oyununu o idarə edəcək

İyunun 7-də Latviya və Azərbaycanın milli komandaları ərasında keçiriləcək yoxlama matçının hakimləri müəyyənləşib.

Pressing.az xəbər verir ki, bu haqda AFFA-nın mətbuat xidməti məlumat yayıb.

Yoldaşlıq oyununu Maltadan olan baş hakim Trustin Farruciya Kann idarə edəcək. Onun yardımçıları Luk Portelli, Roberto Vella, 4-cü hakim isə Vitali Spasyonnikov təyin ediliblər.

Qeyd edək ki, Riqanın "Skonto" stadionunda keçiriləcək Latviya - Azərbaycan matçı iyunun 7-si, Bakı vaxtı ilə saat 19:00-da başlanacaq.