Futzal üzrə Azərbaycan yığmasının qapıçısı Rövşən Hüseynli karyerasını Qazaxıstanda davam etdirəcək.

Pressing.az xəbər verir ki, bu barədə 32 yaşlı qolkiper öz sosial şəbəkə hesablarında paylaşım edib.

Buna qədər Qazaxıstanın "Atırau" klubunda çıxış edən futzalçı "Astana"ya keçib. Onun müqaviləsi 1 illikdir.

Qeyd edək ki, Rövşən Hüseynli 2022-ci ilin oktyabr ayından "Atırau"da oynayırdı.