Tarixində ilk dəfə dünya çempionatlarının seçmə qrup mərhələlərində iştirak edən Azərbaycanın basketbol üzrə milli komandası ilk qələbəsini qazanıb.

Pressing.az xəbər verir ki, Tahir Baxşıyevin komandası DÇ-2027-nin A qrupunun ikinci matçında Kosovo yığmasından üstün olub.

"Sərhədçi" İdman Olimpiya Mərkəzində baş tutan gərgin və dramatik qarşılaşma basketbolçularımızın 87:77 hesablı üstünlüyü ilə yekunlaşıb.

Qeyd edək ki, komandamız qrupun ilk görüşündə İsveçrəyə məğlub olub (53:72).

Dünya Kuboku-2027. A qrupu. 2-ci tur

Azərbaycan - Kosovo 87:77 (19:19, 24:25, 16:16, 28:17)

Azərbaycan millisi: Ulaş Turqut, Zaur Paşayev, Kamran Məmmədov, Orxan Aydın, Donta Holl, Sadətdin Donat, Amil Həmzəyev, Şirzad Şirzadov, Endər Poladxanlı, Əkbər Məmmədov, Ərcan Donat, Elşad Şirzadov.

Baş məşqçi: Tahir Baxşıyev.