Azərbaycan təmsilçisi dağ xizəyi üzrə yarışlarda birinci olub.

Pressing.az xəbər verir ki, ölkəmizi dağ xizəyi üzrə yarışlarda təmsil edən İlya Kostov dekabrın 15-də İtaliyanın Santa Caterina Valfurva xizək mərkəzində keçirilən FIS təqviminin beynəlxalq yarışında iştirak edib.

Atlet yarışın 18 yaşa qədər olan yeniyetmələr kateqoriyasında 11 ölkədən olan 41 idmançı arasında dağ xizəyi idmanının “downhill” növü üzrə birinci yerə sahib olub.

Qeyd edək ki, yarışlara 3 yaş kateqoriyasi üzrə 11 ölkədən 106 iştirakçı qatılıb.