Qadın voleybolçulardan ibarət "Azərreyl" klubu Çelenc Kubokunda növbəti oyununu keçirib.

Pressing.az xəbər verir ki, komanda 1/32 final mərhələsinin cavab matçında Ukraynanın "Balta" kollektivi ilə üz-üzə gəlib.

Bakıda Voleybol Mərkəzindəki görüş "Azərreyl"in 3:0 (25:23, 25:15, 25:19) hesablı qələbəsi ilə bitib.

Oyundan sonra təmsilçimizin kapitanı Aynur İmanova fikirlərini bölüşüb:

"İlk setdə daha yaxşı oyun göstərə bilərdik. Bəlkə də dünən 3:0 hesablı qələbə qazandığımız üçün bir az rahatlıq var idi. Amma sonradan ayıldıq. İlk setdə qalib gəldikdən sonra növbə setlərdə də ardını gətirdik. Qarşıda İspaniya klubu ilə bizi daha çətin oyunlar gözləyir. İnşallah, orada da qalib gələcəyik".

Elsevər Muradzadə