Ötən həftəsonu AAF və Azərbaycan Gənclər və İdman Nazirliyinin birgə təşkilatçılığı ilə uzun fasilədən sonra boulderinq üzrə Açıq Azərbaycan Kuboku keçirilib.

Pressing.az xəbər verir ki, yarışlar 3-4 dekabr tarixlərində "Climb Baku" qayayadırmanma mərkəzində baş tutub.

Qadınlar arasında qaliblər Leyla Əhmədova, Aysel Zamanova və Anna Litvak, kişilər arasında qaliblər Fərid Şahbazlı, Ramel Rəhimxanov və Mövsüm Şirəliyev olublar.

Yarışın nəticələrinə görə yalnız qalib yerlər müəyyənləşmir, iştirakçılar həm də reytinq qazanırlar. Bu reytinq əsasında milli komandanın formalaşması nəzərdə tutulur və həmin milli komandanın gələn il bir sıra beynəlxalq yarışlarda, o cümlədən Polşada keçiriləcək Avropa Oyunlarında iştirakı planlaşdırılır.