"Neftçi"də ayrılıq

"Hər gözəl hekayənin sonu olduğu kimi, mənim də "Neftçi" ilə yolum başa çatdı".

Pressing.az xəbər verir ki, bu sözləri basketbol üzrə Azərbaycan millisinin üzvü Adil Həmzəyev deyib.

"Neftçi"dən ayrılan basketbolçu sosial şəbəkə hesabında paylaşım edib:

"Şərəflə daşıdığım, bütün varlığımı ona həsr etdiyim bu formanı böyük qürur və minnətdarlıqla iki mövsümdən sonra təhvil verirəm.

İki il ərzində birlikdə sevindik, çətin günlərdən keçdik, unudulmaz xatirələr topladıq və ömürlük dostlar qazandıq. Bu ailənin bir hissəsi olmaq mənim üçün həmişə qürur mənbəyi olacaq".

Həmzəyev vida paylaşımını aşağıdakı sözlərlə tamamlayıb:

"Sizin dəstəyiniz, inamınız və sevginiz mənim üçün həmişə əvəzsiz olub. "Neftçi" mənim üçün sadəcə klub deyil – bu, həyatımın ən əziz xatirələrinin yazıldığı xüsusi bir yerdir. Bu klub qəlbimdə həmişəlik xüsusi yer tutacaq".