Yığma üzvləri yeni güləş qaydalarıyla tanış olub

Yunan-Roma və sərbəst güləş üzrə yığma komandaların Göygöl toplanışı davam edir.

Pressing.az xəbər verir ki, Azərbaycan Güləş Federasiyası hazırlıq prosesi çərçivəsində milli üzvləri üçün praktiki seminar təşkil edib.

Seminarda l-S dərəcəli hakim Asif Şirəliyev Dünya Güləş Birliyinin (UWW) yeni qəbul etdiyi qərarları izah edib. O, həmçinin, idmançıların xalçada davranış qaydaları, hakimlərlə ünsiyyəti, etik normaları gözləmələri ilə bağlı da öz tövsiyələrini çatdırıb.

AGF bu istiqamətdə maarifləndirci tədbirləri digər yaş qrupları üzrə milli komandalarla da təşkil edəcək.