“Sabah” amerikalı oyunçu ilə müqavilə bağladı - RƏSMİ

“Sabah” basketbol klubu heyətini amerikalı basketbolçu ilə gücləndirib.

Pressing.az xəbər verir ki, David Nikolsla 2 illik müqavilə imzalanıb.

30 yaşlı oyunçu 183 sm boya malikdir. Karyerasına ABŞ-ın nüfuzlu universitet komandalarında başlayan oyun qurucusu “Albany Great Danes” və “Florida State Seminoles” komandalarında forma geyinib.

2024-cü ilin yayında “Alba Fehervar”la müqavilə imzalayan Nikols, son olaraq Türkiyənin “Yalovaspor” klubunda çıxış edib.