Azərbaycan Futbol Federasiyaları Assosiasiyası Region Liqasında birinci, ikinci və üçüncü yeri tutan klubların hesabına köçürülməli olan məbləği hələ də ödəməyib.

Pressing.az-a daxil olan məlumata görə, ölkənin bir nömrəli futbol qurumu sözügedən turnirin çempionu olmuş "Qusar", gümüş medalları boynundan asan "Çinar Zəngilan" və üçüncü yerin sahibi olan "Arpaçay" (Şərur) komandalarına verilməli olan vəsaiti ödəməkdə yubanır.

Buraya həm müvafiq yerləri tutmuş klublar üçün ayrılan məbləğ (oxu: birinci yerə 10,000, ikinci yerə 5000 AZN, üçüncü yerə 2000 AZN), həm də finalda oynamış komandaların yol xərcləri (2500 AZN "Qusar"a, 1000 AZN "Çinar Zəngilan"a - red.) daxildir.

Xatırladaq ki, Region Liqasının finalında "Çinar Zəngilan"ı 2:0 hesabıyla məğlub edən "Qusar" baş mükafata sahib çıxıb.

Elsevər Muradzadə