UEFA Avropa Liqasının yeni formatda keçirilən Liqa mərhələsi start götürüb.

Pressing.az xəbər verir ki, 1-ci turun ilk oyun günündə 9 matç keçirilib.

Türkiyə “Qalatasaray”ı öz meydanında PAOK-la (Yunanıstan) qarşılaşıb. İkinci hissədə rəqibin müqavimətini qıran İstanbul təmsilçisi turnirə qələbə ilə start verib.

İngiltərə nəhəngi "Mançester Yunayted" "Tvente"ni (Niderland) qəbul edib. Matç heç-heçə yekunlaşıb.

İlk turun daha 9 oyunu sentyabrın 26-da keçiriləcək. Azərbaycan çempionu “Qarabağ” İngiltərədə “Tottenhem”lə qarşılaşacaq.

Xatırladaq ki, Avropa Liqasının Liqa mərhələsində ilk 8 yeri tutan komanda yarışın 1/8 finalına, 9-24-cü yeri tutanlar isə pley-off mərhələsinə vəsiqə qazanır. 25-36-cı olanlar isə avrokuboklarda mübarizəni başa vururlar.

25 sentyabr

Avropa Liqası
Liqa mərhələsi
1-ci tur

“Bodo Qlimt” (Norveç) - “Portu” (Portuqaliya) - 3:2

Qollar: Samu Omorodion, 8 (0:1), Kasper Heq, 15 (1:1), Yens-Peter Heuqe, 40 (2:1), 62 (3:1), Deniz Gül, 90 (3:2)

Qırmızı vərəqə: İsak Myaattya, 51 (“Bodo Qlimt”)

“Alkmaar” (Niderland) - “Elfsborq” (İsveç) - 3:2

Qollar: Ouma, 23 (0:1), Van Bommel, 44 (1:1), 50 (2:1), Hedlund, 53 (2:2), Perrott, 74-pen (3:2)

Qırmızı vərəqə: Holmen, 86 (“Elfsborq)

"Anderlext" (Belçika) - "Ferentsvaroş" (Macarıstan) - 2:1

Qollar: Vershaeren, 60 (1:0), Dolberq, 66-pen (2:0), Traore, 86 (2:1)

Qırmızı vərəqə: Anqolu, 81 ("Anderlext")

"Dinamo" (Kiyev, Ukrayna) - "Latsio" (İtaliya) - 0:3

Qollar: Dia, 5; 35, Dele-Başiru, 34

Qırmızı vərəqələr: Braqaru, 72 ("Dinamo") - Noslin, 82 ("Latsio")

"Qalatasaray" (Türkiyə) - PAOK (Yunanıstan) - 3:1

Qollar: Baba, 48-avtoqol (1:0), Konstantelias, 67 (1:1), Akgün, 76 (2:1), İkardi, 90+5 (3:1)

"Ludoqorets" (Bolqarıstan) - "Slaviya" (Praqa, Çexiya) - 0:2

Qollar: Jurasek, 37, Xitil, 65

"Mançester Yunayted" (İngiltərə) - "Tvente" (Niderland) - 1:1

Qollar: Erikssen, 35 (1:0), Lammers, 68 (1:1)

"Midtyulland" (Danimarka) - "Hoffenhaym" (Almaniya) - 1:1

Qollar: Osorio, 42 (1:0), Moerştedt, 90

"Nitsa" (Fransa) - "Real Sosyedad" (İspaniya) - 1:1

Qollar: Barrenetxea, 18 (0:1), Rosario, 45 (1:1)