Xəbər lenti

Fransa yığmasının hücumçusu Olivye Jiru adını milli komandasının tarixinə yazdırıb.

Pressing.az xəbər verir ki, o, buna AVRO-2024-də Avstriya ilə qarşılaşmada (1:0) nail olub.

Matçın 90-cı dəqiqəsində meydana buraxılan Jiru fransızların heyətində Avropa çempionatlarının final mərhələlərində oyun keçirən ən yaşlı futbolçu olub. 37 yaş 261 günlüyündə qitə birinciliyində meydana ayaq basan Jiru bu göstəricidə Bernar Lamanı (37 yaş 75 gün) qabaqlayıb.

Qeyd edək ki, Jiru Fransa millisinin tarixi ərzində yığmada ən çox qol vuran futbolçudu. Hazırda onun aktivində 56 qol var.