"Lester" klubunun müdafiəçisi Çağlar Söyüncü "Atletiko" ilə razılığa gəlib.

Pressing.az xəbər verir ki, bu barədə jurnalist Nikolo Şkira özünün "Tvitter" hesabında yazıb. Türkiyə millisinin üzvü Madrid təmsilçisi ilə 2027-ci ilin iyun ayına kimi hesablanmış şəxsi müqavilənin şərtlərini razılaşdırıb. Bu transferin yayda gerçəkləşəcəyi bildirilib.

Qeyd edək ki, Söyüncünün "Lester"lə müqaviləsi bu mövsümün sonu başa çatır.