“Ayntraxt” klubu heyətinə yeni futbolçu cəlb edib.

Pressing.az xəbər verir ki, Frankfurt təmsilçisi “Vulverhempton”un hücumçusu Saşa Kalaydjiçi icarəyə götürüb.

26 yaşlı futbolçu bu mövsümün sonuna kimi Almaniya klubunda icarədə olacaq.

Kalaydjiç “Vulverhempton”a 2022-ci ilin yayında Almaniyanın “Ştutqart” klubundan gəlib. Avstriya yığmasının üzvü Premyer Liqa təmsilçisində 14 oyun keçirib, 3 qol vurub.