Şeydayevli "Soçi"dən qələbə

Ramil Şeydayevin də formasını geyindiyi "Soçi" Rusiya Birinci Liqasında 14-cü tur oyununa çıxıb.

Pressing.az xəbər verir ki, komanda səfərdə "Rotor"la qarşılaşıb və 1:0 hesablı qələbə qazanıb. Matçdakı yeganə qolu 17-ci dəqiqədə İrakli Manelov öz qapısından keçirib.

Ramil də bu oyunda iştirak edib. O, 83-cü dəqiqədə Aleksandr Metsievin əvəzinə meydana çıxıb.

"Soçi" hazırda 29 xalla ikinci pillədədir. Şeydayevin komandası lider “Pari NN”dən 5 xal geri qalır.