"Araz-Naxçıvan" klubunun baş məşqçisi Elmar Baxşıyev Misli Premyer Liqasının 33-cü turunda "Sabah"la 1:1 hesablı heç-heçə etdikləri oyundan danışıb.

Pressing.az xəbər verir ki, o, matçdan sonra təşkil olunan mətbuat konfransında görüşün maraqlı olduğunu bildirib: "Hər iki komanda oyunun dinamikasını qorumağa çalışdı. Yaxşı komandaya qarşı çıxış etdik, yaxşı hücumlar qurduq, amma sonluğu gətirə bilmədik. Mövsümün sonudur, inanıram ki, komandam daha əzmkar, mübariz oyun göstərəcək".

Mütəxəssis deyib ki, dünən "Turan Tovuz"un xal itirməsinə baxmayaraq, xoşbəxtliyi rəqibin oyununda axtarmaq fikrində deyil: "Məni daha çox öz komandam düşündürür. Hər şeyi öz hesabımıza alındırmağa çalışacağıq".

E. Baxşıyev hakimliklə bağlı suala cavab verib ki, oyun sürətinin aşağı düşməməsini istəyir.