“Qarabağ” klubu Azərbaycan kubokunda 75-ci səfər oyununu keçirib.

Pressing.az PFL-in rəsmi saytına istinadən xəbər verir ki, bu, yarımfinalın ilk matçına təsadüf edib. “Araz-Naxçıvan”la görüş Ağdam klubu üçün yubileylə əlamətdar olub.

75-ci qarşılaşma həm də 20-ci məğlubiyyətlə nəticələnib. Qurban Qurbanovun yetirmələri 0:1 hesabı ilə uduzub.

Qeyd edək ki, “Qarabağ” ölkə kubokunda 1993-cü ildə debüt edib.