"Qəbələ" klubunun baş məşqçisi Kaxaber Tsxadadze Azərbaycan 1-ci liqasının 13-cü turunda "Difai"ni 1:0 hesabı ilə qalib gəldikləri oyunla bağlı fikirlərini bölüşüb.

Pressing.az xəbər verir ki, o, klubunun mətbuat xidmətinə verdiyi açıqlamada deyib:

“Mövsüm başlamazdan öncə çempionatın çətin olacağını bilirdik. Qış fasiləsindən sonrakı start ərəfəsində də bildirmişdim ki, liderliyi qorumaq və sonda Premyer Liqaya yüksəlmək üçün hər oyuna final kimi baxacağıq. Rəqiblərimiz bizimlə oyunlarda hər mövqedə, xüsusilə də müdafiədə, çox keyfiyyətlidirlər. Lakin biz də meydanda gücümüzü ortaya qoymağı bacarırıq. Bütün oyunçularıma təşəkkür edirəm. Meydanda əllərindən gələni etməyə çalışdılar və sonda qələbəyə sevinən tərəf biz olduq”.