Misli Premyer Liqasının ilk turunda "Karvan-Yevlax" "Qəbələ" ilə heç-heçə edib - 1:1.

Pressing.az xəbər verir ki, oyundan sonra qonaqların baş məşqçisi Kaxaber Sxadadze mətbuat konfransında matçla bağlı fikirlərini bölüşüb:

"Yeni çempionatın başlaması münasibəti ilə hamını təbrik edirəm. Xeyli sayda qol imkanlarımız oldu. 6-7 qol vura bilərdik. Oyunçularımız yaxşı oynadı. Hamısından razıyam. Qaçırılan epizodlar olur. Ehtiyatdan daxil olan oyunçulara zaman lazımdır. Ümumi götürəndə yaxşı oyun oldu".