"Sumqayıt" klubu futbolçusu Abu Dosso ilə yollarını ayırıb.

Pressing.az xəbər verir ki, "kimyaçılar" ilə Dosso arasında imzalanmış müqavilənin müddəti başa çatıb. Klub Kot d’İvuarlı futbolçuya göstərdiyi xidmətlərə görə təşəkkür edib, gələcək karyerasında uğurlar arzulayıb.

Qeyd edək ki, Abu Dosso ötən mövsümün əvvəlindən "Sumqayıt"ın uğurları üçün çalışırdı. Bu müddət ərzində 29-u Premyer Liqa və 3-ü kubok matçında olmaqla ümumilikdə 32 oyunda meydanda olub. 28 yaşlı cinah oyunçusu bu qarşılaşmalarda 5 məhsuldar ötürmə ilə yadda qalıb.