2024/25 mövsümündə dövlət tərəfindən Misli Premyer Liqasında oynayacaq klublara ayrılacaq məbləğ müəyyənləşib.

Pressing.az xəbər verir ki, bu haqda jurnalistlərə AFFA-nın icraçı vitse-prezidenti Sərxan Hacıyev bildirib.

Onun sözlərinə görə, məbləğin 4 milyon manat olacağı ilə bağlı yazılanlar həqiqəti əks etdirmir:

"Hazırda olan məlumata görə, 3 milyon manat olduğu kimi qalır, artırılması nəzərdə tutulmur".

Beləliklə, yeni mövsümdə Misli Premyer Liqasında iştirak edəcək 10 klubun hər birini ötən mövsümdə olduğu kimi, 3 milyon manat ayrılacaq.